xoves, 26 de xaneiro de 2012

FACENDO XABÓN

Tonecho de Rebordechao oíra falar moitas veces do sacauntos, un home que collía aos nenos que se portaban mal e quitáballes a graxa que tiñan no corpo. Tamén Romasanta facía xabón coas súas vítimas. Na casa dos avós de Tonecho de Rebordechao, como en moitas da Galicia rural, facíase xabón, pero elaborábase co pingo que se extraía do porco despois da matanza.

No club de lectura do IES Fontem Albei, coa axuda de dúas expertas veciñas da vila, Lola e Felicitas, tamén fixemos o xabón ao xeito tradicional, unha medida máis para combater a crise. Os ingredientes son os seguintes:
  • Pingo: 3 litros.
  • Auga: 3 litros.
  • Sosa: 0,5 Kg.
  • Talco puro: 0,5 Kg.
  • Deterxente: 0,3 Kg.
A gusto do consumidor pódense engadir herbas aromáticas e algún tipo de colorante. Remecer todo ata que colla espesor, para despois vertelo sobre un molde e deixalo secar.

Animádevos!!!!

As fotos e o vídeo desta entrañable actividade podédelos ver a continuación: